अछाम- अछामको ढकारी गाउँपालिकाका विभिन्न बस्तीमा नेपाल टेलिकमको टावरले काम गर्न छोडेपछि स्थानीयवासी सञ्चार सेवाबाट प्रभावित भएका छन्।
गाउँपालिकाको वडा नं. १ अन्तर्गत नन्दपुर, डुफा, गल्बाल र डडाडा तथा वडा नं. ३ को बेराजु र कोईरेलीलगायत वडा नं. ६ को थारा र थारम क्षेत्रमा नेपाल टेलिकमको टावरले काम गर्न छोडेको जानकारी प्राप्त भएको छ।
नेपाल टेलिकमको टावरमा समस्या देखिँदा स्थानीयवासीलाई फोन सम्पर्क गर्न तथा सञ्चार सेवा प्रयोग गर्न कठिनाइ भइरहेको बताइएको छ।
अनेरास्ववियु जिल्ला कमिटी सचिवालय सदस्य तथा ढकारी इन्चार्ज टेकबहादुर बुढाले उक्त क्षेत्रका टावरले काम गर्न छोडेको जानकारी दिएका हुन्। उनले सम्बन्धित निकायले समस्या समाधानका लागि आवश्यक पहल गर्नुपर्ने बताएका छन्।
स्थानीय क्षेत्रमा सञ्चार सेवा नियमित बनाउन सम्बन्धित निकायको ध्यान जान आवश्यक देखिएको छ।
Advertisement
