नीड्स नेपाल (NEEDS Nepal) ले बझाङको मष्टा गाउँपालिका, भातेखोला, बझाङमा बालबालिकाका लागि सार्वजनिक वृत्त तथा नागरिक सहभागिता सम्बन्धी अभिमुखीकरण कार्यक्रम सम्पन्न गरेको छ ।
मष्टा गाउँपालिकाको समन्वयमा सम्पन्न कार्यक्रममा यूरोपियन युनियन, संयुक्त राष्ट्र संघ तथा सामाजिक सुरक्षा नागरिक समाज सञ्जालको सहयोग रहेको थियो ।
कार्यक्रमका प्रशिक्षक विश्व कोइरालाले बालबालिकाका अधिकार, सामाजिक सुरक्षा कार्यक्रम, नागरिक सहभागिता र उत्तरदायित्वबारे विस्तृत जानकारी गराउनुभयो । उहाँले बालमैत्री वातावरण निर्माणका लागि स्थानीय तह, समुदाय र अभिभावक सबैको साझा जिम्मेवारी हुनेमा जोड दिनुभयो ।
कार्यक्रम सञ्चालन नीड्स नेपालका लक्ष्मण चलाउनेले गर्नुभएको थियो भने कार्यक्रमको अध्यक्षता मष्टा गाउँपालिकाका अध्यक्ष ज्ञान बहादुर बोहराले गर्नुभएको थियो ।
स्थानीय प्रतिनिधि, सरोकारवाला निकायका सदस्य तथा सामुदायिक अगुवाहरूको सक्रिय सहभागिता रहेको कार्यक्रममा बालबालिकाको अधिकार संरक्षण र उनीहरूको सर्वाङ्गीण विकासका लागि सामूहिक प्रयास आवश्यक रहेको निष्कर्ष निकालिएको छ ।
