कञ्चनपुरमा एक महिलाको मृत्यु भएको छ। जिल्लाको भीमदत्त नगरपालिका–११ मा कसी सुनारको शंकास्पद मृत्यु भएको हो।
महाकाली नदी किनारामा बालुवा चालेर जीविकोपार्जन गर्दै आएकी कसीको सुतीरहेको बेला हत्या भएको मृतककी बुहारी र स्थानीयले आरोप लगाएका छन् ।
आरोपपछि सौता मिरा देवी सुनार, श्रीमान गोपाल सुनार र कान्छी पट्टिका छोरा अर्जुन सुनारलाई पक्राउ गरिएको जिल्ला प्रहरी कार्यालय कञ्चनपुरका प्रवक्ता (डिएसपी)उमेश जोशीले जानकारी दिए ।
मृतक कसीको शव पोस्टमार्टमका लागि महाकाली अस्पतालमा राखिएको बताइएको छ। प्रहरी कार्यालय कञ्चनपुरले पोस्टमार्टमको रिपोर्ट आउन बाँकी रहेको बताएको छ। बेहोस अवस्थामा फेला परेकी उनको उपचारका लागि अस्पताल लैजाने क्रममा बाटोमै मृत्यु भएको थियो ।
