कैलाली, पुष २५ –
जिल्ला कैलालीमा लागू औषध नियन्त्रण ब्युरो शाखा कार्यालय धनगढी र जिल्ला प्रहरी कार्यालय कैलालीको संयुक्त टोलीले विभिन्न स्थानबाट लागू औषधसहित चार जनालाई पक्राउ गरेको छ।
धनगढी उपमहानगरपालिका वडा नं. २ स्थित त्रिनगर प्रहरी चौकीको टोलीले त्रिनगर भन्सार चौक नजिक चेकजाँचका क्रममा ४ ग्राम ८८० मिलिग्राम लागुऔषध जस्तो देखिने खैरो धुलो पदार्थसहित एक जनालाई नियन्त्रणमा लिएको हो।
यसैगरी, त्रिनगर क्षेत्रकै अर्को चेकजाँचका क्रममा धनगढी उपमहानगरपालिका वडा नं. ७ का ३५ वर्षीय राजकुमार रानालाई २ ग्राम २३० मिलिग्राम लागुऔषधसहित पक्राउ गरिएको छ।
त्यसैगरी, गोदावरी नगरपालिका वडा नं. १ स्थित कपडा पसल नजिक चेकजाँच गर्दा ३० वर्षीय हुसेन मातारलाई ७ ग्राम ६७० मिलिग्राम लागुऔषधसहित पक्राउ गरिएको छ।
पक्राउ परेका चारै जनाविरुद्ध लागू औषध सम्बन्धी कानूनी कारबाही अगाडि बढाइएको जिल्ला प्रहरी कार्यालय कैलालीले जनाएको छ।
