कैलाली, पुस १० –सुदूरपश्चिम प्रदेश प्रहरी कार्यालय धनगढी, जिल्ला प्रहरी कार्यालय कैलाली र इलाका प्रहरी कार्यालय टिकापुरबाट खटिएको संयुक्त प्रहरी टोलीले कैलालीको टिकापुर नगरपालिका वडा नं. १ स्थित एक घरमा राखिएका विभिन्न सुनचाँदीका गरगहना र नगदसहित दुई जनालाई पक्राउ गरेको छ।
पक्राउ पर्नेहरूमा बाजुराको बुढिगंगा नगरपालिका वडा नं. १० का २५ वर्षीय सुजन शाही र कैलालीको लम्की-चुहा नगरपालिका वडा नं. ४ की ३४ वर्षीया रम्भा जैशी रहेका छन्। प्रहरीका अनुसार उनीहरू टिकापुर नगरपालिका वडा नं. १ गणेशपुरस्थित धर्मा जैशीको घरभित्र कालो झोलामा गरगहना राखेर बसेको अवस्थामा फेला परेका थिए।
पक्राउ परेका सामग्रीहरू
प्रहरीले उनीहरूको साथबाट निम्न सामग्रीहरू बरामद गरेको छः
१. ५० ग्रामको चाँदीको सिक्का – १ थान
२. हिराजस्तो देखिने पत्थर भएको औंठी – २ थान
३. सुनजस्तो देखिने बेरुवा औंठी – १ थान
४. सुनजस्तो देखिने सिक्री – १ थान
५. सुनजस्तो देखिने पानको पातजस्तो सिक्री – १ थान
६. हिरा जडित सुनजस्तो झुम्का – १ जोर
७. सुनजस्तो देखिने औंठी – १ थान
८. खुट्टाको औंलामा लगाउने सुनजस्तो देखिने बिछिया – २ थान
९. कालो पोते भएको नागिनी माला – १ थान
१०. चारकुने टप – १ जोर
११. कानमा लगाउने स्टार भएको सुनजस्तो झुम्का – १ थान
१२. कानमा लगाउने रिङ – १ जोर
१३. सुनजस्तो देखिने सानो टुक्रा – १ थान
१४. नगद रु. १३,०००/-
१५. एफजेड यामाहा मोटरसाइकल
अनुसन्धान जारी
पक्राउ परेका व्यक्तिहरूलाई इलाका प्रहरी कार्यालय टिकापुरमा राखेर थप अनुसन्धान भइरहेको जिल्ला प्रहरी कार्यालय कैलालीले जनाएको छ।
