बझाङ : बालमैत्री स्थानीय शासन सम्वन्धि एक दिने अन्तरक्रिया सम्पन्न भएको छ ।
जयपृथ्वी नगरपालिका वडा नम्बर ६ नाैरामा बालमैत्री स्थानीय शासन सम्वन्धि एक दिने अन्तरक्रिया कार्यक्रम सम्पन्न भएको हाे ।
वडा अध्यक्ष नरेन्द्र सिँहकाे अध्यक्षतामा सुरु भएको गाेष्ठी प्रगतिशील युवा समाज बझाङ र वल्र्डभिजन ईन्टरनेशनल नेपालकाे आयाेजनामा बालक्लव वालसञ्जाल समिति र सराेकारवाला बिच अन्तरक्रिया भएको थियाे ।
प्रगतिशील युवा समाज बझाङका कर्मचारी रामबहादुर शार्कीले कार्यक्रम सञ्चालन गर्दै कामना टेलिभिजन लाई फलर हस्तान्तरण गरेका थिए । बालमैत्री स्थानीय वडा घाेषणा गर्न ५१ वटा सुचक पार गर्नु पर्ने भएकोले स्थानीय सरकार र सँघसस्था विच हातेमालो गर्दै अगाडि बढ्नु पर्ने वडा अध्यक्ष नरेन्द्र सिहले बताउनु भयाे ।
पछिल्लो समय सरकारले धेरै सुचक पूरा गरिसकेको र बालक्लवले विभिन्न कार्यक्रम गर्दै समाजमा सकारात्मक भुमिका खेलेकाे पाईन्छ । विद्यालय वडा पालिकामा पनि बालमैत्री धारा,शाैचालय,भवन निर्माण भएको र केहि सुचकलाई स्थानीयकरण गर्दै बालमैत्री स्थानीय वडा घाेषणा गर्न सकिने सराेकारवालाकाे भनाइ थियाे ।
नेपाल सरकारले २०८७ सम्म बालमैत्री घाेषणा गर्ने लक्ष्य राखेको छ भने, जयपृथ्वी नगरपालिका वडा नम्बर ६ ले यहीँ ०८१ मा घाेषणा गर्ने लक्ष्यका साथ अगाडि बढेको छ । भाैगाेलीक कठिनाइका कारणले अलि अप्ठ्यारो भएको स्राेतकाे भनाइ छ ।
