लम्की- आज कैलालीको लम्कीचुहा नगरपालिका वडा नं ०२ गणेशपुरमा रहेको श्री जनसेवा माध्यमिक विद्यालयमा बाल संरक्षण समिति लम्कीचुहा नगरपालिका वडा नं ०२ को आयोजना
र बाल कल्याण संघ टीकापुरको आर्थिक सहयोगमा बालबालिकाहरुका लागि कानुनी तथा सामाजिक मनोपरामर्श कार्यक्रम सम्पन्न भएको छ। उक्त कार्यक्रममा सभापती लम्कीचुहा नगरपालिका वडा नं ०२ का वडा अध्यक्ष सन्तोष कुमार ओली, प्रमुख अतिथि लम्कीचुहा नगरपालिका की उपमेयर जुना चौधरी, बाल कल्याण संघ टीकापुरका प्रतिनिधि लगायत अन्य सर विद्यार्थीको उपस्थितीमा कार्यक्रम सम्पन्न भएको छ।
उक्त कार्यक्रममा बोल्दै कार्यक्रमका सभापती लम्कीचुहा नगरपालिका वडा नं ०२ का वडा अध्यक्ष सन्तोष कुमार ओलीले हामीले बालबालिकाकोे लागी खेलकुद देखि अतिरिक्त क्रियाकलापमा बालबालिकाकोे लागी थुप्रै काम गरेका छौं र गर्ने छौ भनी बताउनु भयो।
साथै प्रमुख अतिथि उपमेयर जुना चौधरीले हामी यस्ता कार्यक्रम प्रत्यक महिना एउटा एउटा स्कुलमा संचालन गर्ने छौं। बालबालिकाकोे उज्जवल भविष्यको लागी आफु सधैँ तयार रहेकाे बताउनु भयो।
