लम्कीचुहा – लम्कीचुहा नगरपालिका वडा नम्बर २ को आर्थिक सहयोगमा आर्थिक अवस्था कमजोर भएका २० जना विद्यार्थीलाई नि:शुल्क तालिम प्रदान गरेको छ ।
राष्ट्रिय नमुना मावि मोतिपुर र जनसेवा मावि गणेशपुरमा अध्ययनरत आर्थिक अवस्था नाजुक भएका २० जना विद्यार्थीलाई मोतिपुरको नेशनल एडभान्स कम्प्युटर ईन्स्टिच्युटमा तीन महिने नि:शुल्क कम्प्युटर तालिम प्रदान गरिएको हो ।
आज आइतबार प्रमाण पत्र वितरण तथा सम्मान कार्यक्रम गर्दै उक्त तीन महिने तालिम सम्पन्न गरिएको छ ।
वडालाई शिक्षा, प्रविधि लगायत हरेक क्षेत्रमा विकास गर्ने र वडालाई सुन्दर बनाउने परिकल्पना गरेको वडा अध्यक्ष सन्तोष कुमार ओलीले बताएका छन् । आफू सधैं जनताको साथमा रहेको र जनताको सल्लाह सुझाव अनुसार जनअपेक्षित काम गर्दै जाने उनले बताए ।
