सुदूरपश्चिम को एक मात्र प्रादेशिक अस्पताल सेती प्रादेशिक अस्पताल को आकस्मिक कक्षमा एक शैयामा तीन जना बिरामी राखेर उपचार गर्नुपर्ने बाध्यता छ। शैया नपाएर बिरामीहरुलाई बेन्च तथा एकै शैया मा २/३ जना गरेर राख्ने गरेको पाइएको छ। आकस्मिक कक्ष सानो हुँदा बिरामीहरुको उपचार मा एक बिरामी ले गर्दा अर्को बिरामी पनि प्रभावित हुने गरेको छ।
बिरामीले उपचार समयमा नपाउने गुनासो गर्ने गरेका छन् भने सरकारी डाक्टर हरुले ठूला जटिल बिरामी भएका बिरामीहरुलाई अपरेसन गर्नको लागि १ महिना देखि एक वर्ष को पनि समय दिने गरेको खुलेको छ । साथै अस्पताल मा कार्यरत डाक्टर हरु सरकारी सेवा भन्दा निजी अस्पताल मा बढी केन्द्रित भएको र बिरामी हरुलाई पनि निजि अस्पताल मा जान बाध्य गराउने गरेको एक जना बिरामी का आफ्नतले बताए ।
सेती प्रादेशिक अस्पताल आकस्मिक कक्षमा स्वास्थ्यकर्मीको संख्या पनि न्यून छ। अस्पतालको जनशक्ति विकास गर्न प्रदेश सरकारले नसकेको सेतीको प्रादेशिक अस्पताल को नाजुक अवस्थाले प्रष्ट पारेको छ।
प्रदेश कै नमुना अस्पताल हुनुपर्ने ठाउमा सेती प्रादेशिक अस्पताल एक जिल्ला अस्पताल सरह पनि नभएको जस्तो देखिन्छ । पटक पटक विवाद मा आउने गरेको सेती प्रादेशिक अस्पताल को अवस्था भने कहिले चित्त बुझिदो भएन ।
अस्पताल को कम्पाउन्ड जतातै फोहोर हुन्छ अनि अस्पताल का वार्ड हरु पनि उस्तै फोहोर र गन्हाउने छन । अस्पताल भित्र को शौचालय को अवस्था हेर्दा त झन उपचार गर्न गएका बिरामी ले त राम्रो सेवा सुविधा पाउदैन तर बिरामी कुर्न गएका मान्छे पनि उल्टै बिरामी भएर आउने पर्ने स्थिति भएको एक जना बिरामी कुरुवाले बताए ।
