बझाङ यार्चागुम्बा मुद्दा सम्बन्धी समाचार सच्याइयो

यस यसअघि प्रकाशित “बझाङमा यार्चागुम्बा ओसारपसार मुद्दामा फरार अभियुक्त पक्राउ” सम्बन्धी समाचारमा केही तथ्यगत त्रुटि भएको पाइएकाले उक्त समाचार सच्याइएको जानकारी गराइन्छ।
वास्तविकता अनुसार, सुर्मा गाउँपालिका–१ निवासी ५० वर्षीय लोकबहादुर बोहरा यार्चागुम्बा ओसारपसार सम्बन्धी मुद्दामा अदालतमा मुद्दा चलिरहेका बेला नै धरौटीमा रिहा भइसकेका थिए।
पछिल्लो समयमा केही कागजी प्रक्रिया अपूरो रहेको कारण जिल्ला प्रहरी कार्यालय बझाङले उहाँलाई आवश्यक प्रक्रिया पूरा गर्नका लागि बोलाएको थियो। सोही अनुसार बोहरा प्रहरी कार्यालयमा उपस्थित भई आवश्यक कागजी प्रक्रिया पूरा गरेका थिए।
कागजी प्रक्रिया पूरा भएपछि उहाँलाई पक्राउ गरिएको नभई सामान्य रूपमा कार्यालयबाट फर्किन दिइएको थियो।
यसअघि प्रकाशित समाचारमा “फरार अभियुक्त पक्राउ” भन्ने विवरण तथ्यपरक नभएको स्पष्ट पार्दै पाठकवर्गमा पर्न गएको भ्रमप्रति क्षमाप्रार्थी छौं। भविष्यमा यस्ता त्रुटि नदोहोरिने प्रतिबद्धता व्यक्त गर्दछौं।