धनगढी – कञ्चनपुरमा जुवा खालबाट नगदसहित ८ जना पक्राउ परेका छन्।
शुक्रबार भीमदत्त नगरपालिका वडा नम्बर ६ एठपुरस्थित पारस भट्टको राइस मिलबाट उनीहरु पक्राउ परेका हुन्।
चन्द्रवेद राइस मिलबाट २ लाख ८ हजार चार सय २६ रुपैयाँसहित ८ जना पक्राउ गरिएको जिल्ला प्रहरी कार्यालय, कञ्चनपुरले जनाएको छ ।
शुक्रवार राति जुवाखालबाट पक्राउ पर्नेमा भीमदत्त नगरपालिका–६ बस्ने नरेन्द्र बिष्ट, पारस भट्ट, खेमराज लेखक, नरेन्द्र जोशी, भीमदत्त नगरपालिका–४ बस्ने दामोदर भट्ट, भीमदत्त नगरपालिका–१० बस्ने दिपक गिरी, भीमदत्त नगरपालिका–८ बस्ने सुरत खत्री र वेदकोट नगरपालिका–१० बस्ने तिलक बैज रहेको कञ्चनपुर प्रहरीले जानकारी दिएको छ।
