धनगढीमा सिलिन्डर पड्किएर घाइते भएकी खड्काको मृत्यु

धनगढी- धनगढीमा चैत २ गते ग्यास सिलिन्डर पड्किएर घाइते भएकी महिलाको मृत्यु भएको छ । जिल्लाको धनगढी उपमहानगरपलिका–६ मट्यारी बस्ने घाइते ३६ वर्षीया मिना खड्को शनिबार मृत्यु भएको हो।
खड्काको उपचारका क्रममा काठमाडौँको बर्निङ हस्पिटलमा मृत्यु भएकोमा जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) कबिन्द्र सिंह बोहराले जानकारी दिए ।
उनकाअनुसार अन्य दुई जना घाइतेको पनि काठमाडौँमै उपचार भइरहेको छ । मृतककी छोरी २० वर्षीय चन्द्रा खड्का र ग्यास बिक्रेता स्थानीय व्यापारी ४० वर्षीय गोविन्द राज जोशी उपचाररत छन् । जोशीको पसलबाट ग्यास सिलिन्डर खरिद गरेकी खड्काले उनलाई नै जोड्नका लागि बोलाएकी थिइन् । सोही क्रममा सिलिन्डर पड्किएपछि उनीहरु तीनै जना घाइते भएका थिए ।