धनगढी- कैलालीमा स्कारपिओ दुर्घटना हुँदा चालकको मृत्यु भएको छ।
शनिबार राति अत्तरियाबाट गुलरिया जाँदै गरेको स्कारपिओ गोदावरी नगरपालिका–३ चौकिडाँडामा आफैं अनियन्त्रित भई दुर्घटना हुँदा चालक कञ्चनपुरको कृष्णपुर नगरपालिका–४ का सुदीप रानाको मृत्यु भएको हो।
बा १७ च ९६४५ नम्बरको उक्त स्कारपिओ दुर्घटनामा परेर गम्भीर घाइते भएका रानालाई सेती प्रादेशिक अस्पताल लगिएकोमा उपचारका क्रममा राति नै उनको निधन भएको इलाका प्रहरी कार्यालय मालाखेतीले जनाएको छ ।
स्कारपिओ अनियन्त्रित भएर राजमार्ग किनारमा रहेको एक घरमा ठोक्किएको प्रहरीले जनाएको छ।
