सुरेन्द्र खत्री बझाङ-
बझाङमा पनि अन्तर्राष्ट्रिय नारी दिवस मनाइएको छ । जिल्लाको १२ वटै स्थानीय तहमा विभिन्न कार्यक्रम सहित १ सय १५ औं अन्तराष्ट्रिय नारी दिवस मनाइएको हो ।
सोही कार्यक्रम जयपृथ्वी नगरपालिकामा समेत धुमधामका साथ मनाइएको छ । जयपृथ्वी नगरपालिका महिला विकास समुहले सामाजिक विकास कार्यालय बझाङ, अन्य जिल्लामा सामाजिक विकासका लागि सञ्चालित ८ गैरसरकारी संस्थाहरू सँगको सहकार्यमा नारी दिवस मनाएको जनाइएको छ ।
आज विहान सदरमुकाम चैनपुर बजार परिक्रमा गर्दै सुरु भएको र्यालीमा लैङ्गिक हिंसा अन्त्य गरौ , छोराछोरी बराबरी जस्ता नारा लगाउँदै नगरपालिका पुगेर विभिन्न जनचेतनामूलक कार्यक्रमहरू गरेर समापन गरिएको छ ।
जयपृथ्वी नगरपालिका महिला विकास समुहकी अध्यक्ष रमा देवी जोशीको अध्यक्षतामा भएको कार्यक्रममा प्रमुख अतिथी एकिकृत समाजवादीका नेता, सांसद तथा पुर्वमन्त्रि भानुभक्त जोशी रहनुभएको थियोे । त्यस्तै अतिथिमा नगरपालिकाका प्रमुख , अन्य जनप्रतिनिधि, विभिन्न दलका नेताकार्यकर्ता रहेका थिए ।
प्रमुख अतिथी जोशीले महिला अध्ययनशिल मेहनती भएको र महिलाहरुले नेतृत्व गरेको ठाउँमा भ्रष्टाचार नभएको सुशासन कायम भएको बताए । उनले भने कतिपयको घरमा महिलाहरु माथि महिलाबाटै विभेद हुने भएकाले यसलाई हटाउ अभियान थाल्नुपर्ने समेत बताए । कार्यक्रममा महिलाहरुको वाक्लो उपस्थिती थियो ।
दिवस हरेक वर्ष यहिँ दिन महिलाहरूको हकहितको रक्षा, उनीहरूका योगदानको कदर, र लैंगिक विभेद अन्त्यका लागि मनाइने गरिएको छ ।
दिवसले महिलामाथि हुने भेदभाव, हिंसा, र असमानताविरुद्ध जागरूकता फैलाउँदै उनीहरूलाई समाजका सबै क्षेत्रमा समान अवसर सुनिश्चित गर्न प्रेरित गर्ने अपेक्षा गरिन्छ ।
