धनगढी- कैलालीको गौरीगंगा नगरपालिका ६ मोया मा रहेको भैरव आधारभूत विद्यालयमा हाजिरी जवाफ प्रतियोगिता सम्पन्न भएको छ ।
हेमा श्री फाउन्डेसन नेपालले आयोजना गरेको हाजिरीजवाफ प्रतियोगिता बिहीबार विद्यालयमा सम्पन्न भएको हो ।
विद्यार्थीहरूको बौद्धिक, सामाजिक र मानसिक विकासलाई लक्षित गरेर हाजिरी जवाफ प्रतियोगिता आयोजना गरिएको थियोे ।
अन्तर सदनात्मक हाजिरीजवाफ प्रतियोगिता कार्यक्रमले बिद्यार्थीहरुको अन्तरनिहित प्रतीभा प्रस्फुटन गर्न र बिद्यार्थीहरुमा बौद्धिक क्षमता अभिवृद्धि गर्नका लागि आयोजना गरेको संयोजक तथा फाउन्डेसनका कार्यबाहक अध्यक्ष हेमन्त राज जोशी (बाजे) ले बताए ।
हाजिर जवाफ विद्यार्थी बिच सदन छुट्टाएर गरिएको थियोे । जसमा रातो सदनले प्रथम, पहेँलो सदनले द्वितीय, सेतो सदनले तृतीय र निलो सदनले सान्त्वना स्थान हासिल गरेका थिए। प्रतियोगितामा प्रथम, द्वितीय , तृतीय र सान्त्वना स्थान हासिल गरेका विद्यार्थीलाई शैक्षिक सामाग्री र प्रमाणपत्र प्रदानले पुरस्कृत गरिएको थियोे । छ।
कार्यक्रममा प्रमुख अतिथि गौरीगंगा नगरपालिका उप-प्रमुख भोज बहादुर बम रहेका थिए ।
हाजिर जवाफ प्रतियोगिताले बिद्यार्थीको पाठयक्रमका साथै बाहिरी ज्ञान आर्जन गर्नमा टेवा पुगेको भन्दै आयोजकलाई धन्यवाद दिँदै उप-प्रमुख बमले बिजेता भएका बिद्यार्थीहरुलाई बधाई दिएका थिए
उनलेे आयोजकलाई आगामी दिनहरुमा पनि अझै बिद्यार्थीहरुको शैक्षिक गुणस्तर वृद्धिका लागि यस्ता कार्यक्रमहरु सञ्चालन गर्न समेत सुझाव दिए ।
कार्यक्रमका विशिष्ट अतिथि वडाध्यक्ष टेक बहादुर कुँवर ले प्रतियोगीतामा सहभागीता जनाउनु नै ठूलो कुरा भएको बताए ।,विद्यालय व्यवस्थापन समिति अध्यक्ष ,शिक्षक अभिभावक संघ अध्यक्ष, अभिभावक,शिक्षक र बिद्यार्थीहरु लगायतको बाक्लो उपस्थिति रहेको थियो। फाउन्डेसनले बिगत देखि सामाजिक कार्य र बालबालिकाको संरक्षणमा विभिन्न कार्य गर्दै आएको छ।
विद्यालयका प्रधानाध्यापक नवराज उपाध्यायले स्वागत मन्तव्य राखेका थिए भने, कार्यक्रमको सञ्चालन फाउन्डेसनका सदस्य सत्यराज जोशीले गरेका थिए ।
