कैलालीमा स्कुटर दुर्घटना हुँदा बझाङ घर भएका प्रहरीको मृत्युु
धनगढी- कैलालीमा स्कुटर दुर्घटना हुँदा बझाङ घर भएका एकजना प्रहरीको मृत्युु भएको छ ।
जिल्लाको धनगढी–अत्तरिया छ लेन सडकअन्तर्गत गोदावरी नगरपालिका– २ मा प्रहरी नायब निरीक्षक ३४ वर्षीय योगेन्द्रबहादुर बोहराको स्कुटर दुर्घटना हुँदा मृत्यु भएको हो ।
आज बिहान साढे ११ बजे सु.प.प्र. ०१–००९ प ३४२९ नम्बरको स्कुटर आफैँ अनियन्त्रित भएर विद्युतको पोलमा ठोक्किएर दुर्घटना हुँदा बोहरा गम्भीर घाइते भएका थिए,’ उनलाई दुर्घटना पछि उपचारका लागि सेती प्रादेशिक अस्पतालमा ल्याइएको थियोे भने १२ बजेको बोहराको निधन भएको छ ।’ प्रहरी नायक निरीक्षक बोहराको घर बझाङको मष्टा गाउँपालिका –७ हो ।
उनी सुदूरपश्चिमका सभामुख भीमबहादुर भण्डारीको व्यक्तिगत सुरक्षाका लागि खटिने निजी सुरक्षा गार्ड (पिएसओ) हुन् ।...
