बैतडी

बैतडी- बैतडीको पाटन नगरपालिकाले आइतबार शोक बिदा दिएको छ । पाटन नगरपालिकाअन्तर्गत पशुपन्छि सेवा शाखामा कार्यरत कार्यालय सहयोगी मनिराम बिष्टको निधन भएकाले आज शोक बिदा दिइएको नगरपालिकाले जारी गरेको सूचनामा उल्लेख गरिएको छ । बिष्टको चैत २८ गते निधन भएको थियो । आइतबार नगरपालिका मातहतका सबै सरकारी कार्यालयहरुमा शोकबिदा रहेको नगरपालिकाको सूचनामा उल्लेख गरेको छ ।...

बैतडी— बैतडीको शिवनाथ गाउँपालिका–१ मटेलामा चितुवाको आक्रमणबाट एक महिला घाइते भएकी छन्। ३९ वर्षीया विन्दरा साउँद मंगलबार दिउँसो १ बजे स्थानीय जंगलमा बाख्रा चराउँदै गर्दा चितुवाले आक्रमण गरेको हो। स्थानीय दशरथ चाडका अनुसार चितुवाले सुरुमा बाख्रामाथि आक्रमण गरेपछि साउँदमाथि झम्टिएको थियो। घटनाका बेला उनीसँगै रहेका अन्य गोठालाहरुले होहल्ला गरेपछि चितुवा भागेको थियो। आक्रमणबाट साउँदको टाउको, मुख र गर्धनमा चोट लागेको र उनलाई थप उपचारका लागि भारतको लुवाघाट लगिएको चाडले जानकारी दिए। चितुवाको आक्रमणपछि स्थानीयबासी त्रसित बनेका छन्। तल्लो सौराड क्षेत्रमा २०६८ सालदेखि नै बेलाबेला चितुवाले मानिसमाथि आक्रमण गर्ने घटना दोहोरिंदै आएको छ।...

बैतडी – बैतडीको दशरथचन्द नगरपालिकाले तेश्रो स्थापना दिवस तथा २९ औं वार्षिकोत्सवको अवसर पारेर नगर वस सेवा सञ्चालनमा ल्याएको छ। स्थापना दिवसको अवसरमा चैत २२ गते सरसफाइ कार्यक्रम आयोजना गरिनुका साथै, चैत २४ गते नगर सभाहलमा अन्तरक्रियात्मक कार्यक्रम गरिएको थियो। नगर प्रमुख पुष्करराज जोशी (लख्खाभाइ)को अध्यक्षतामा भएको कार्यक्रममा प्रमुख अतिथि प्रमुख जिल्ला अधिकारी दीर्घराज उपाध्याय रहेका थिए। नगर उपप्रमुख कौशिला चन्द, वडा अध्यक्षहरू, कार्यपालिका सदस्य, कर्मचारी तथा सर्वसाधारणको समेत उल्लेखनीय उपस्थिति रहेको थियो। यसै अवसरमा केही दिनअघि खरिद गरिएको नगर वस सेवाको विधिवत पूजाआजासहित उद्घाटन गरिएको छ। नगर वसलाई गढी क्षेत्रबाट सुरु गरी वडा नं. १ मुस्याचोर, वडा नं. ९ र ११ को सिमानासम्म संचालन गरिएको हो। नगर प्रमुख जोशीले नयाँ वर्षदेखि नियमित रूपमा सेवा सञ्चालन गरिने जानकारी दिँदै भने, “चुनावको बे...

बैतडी— बैतडीको दशरथचन्द नगरपालिका–२ मा रहेको प्रसिद्ध निङ्गलाशैनी भगवती मन्दिरमा शनिबार वासन्तिक नवरात्र अन्तर्गतको जात्रा पशु बलिसहित सम्पन्न भएको छ। शुक्रबारदेखि सुरु भएको जात्रा शनिबार सम्पन्न भएको मन्दिरका भण्डारे तथा धार्मिक सेवा समितिका कार्यवाहक अध्यक्ष चक्रबहादुर बोहराले जानकारी दिए । जात्राको अवसरमा १६८ राँगा र करिब २ सय बोका बलि चढाइएको जिल्ला प्रहरी कार्यालय बैतडीका प्रहरी निरीक्षक बल्देव बडूले बताए । प्रतिवर्ष चैत्राष्टमीमा भाकल अनुसार बलि दिने परम्परा यस मन्दिरमा रहिआएको छ। निङ्गलाशैनी मन्दिरमा वर्षमा चारवटा जात्रा आयोजना हुने गर्छन्। तीमध्ये शरदीय र वासन्तिक नवरात्रमा बलिसहित, जबकि भाद्र शुक्ल चतुर्दशी (अनन्त चतुर्दशी) र मंसिर शुक्ल पूर्णिमा (धान्य पूर्णिमा) मा बलिबिनाको जात्रा मनाइन्छ। शक्तिपीठको रूपमा परिचित यस मन्दिरमा बैतडी मात्र नभई सीमावर्ती भारतबाट समेत ठूलो स...

बैतडीमा भएको जीप दुर्घटनामा परि घाइते भएका एक जनाको मृत्यु भएको छ । दुर्घटनामा परी घाइते भएका पञ्चेश्वर गाउँपालिका–५ का ५४ वर्षीय चन्चले दयालको जिल्ला अस्पतालमा उपचारको क्रममा राति नै मृत्यु भएको बैतडीका प्रहरी प्रवक्ता, प्रहरी निरीक्षक बलराम पाण्डेले जानकारी दिए । यस्तै, पञ्चेश्वरकै ५२ वर्षीय लालीराम कोली, जीप चालक ३५ वर्षीय राकेश कोली र दशरथचन्द नगरपालिका –१० की ३० वर्षीया कविता परियार घाइते भएका छन् । घाइतेहरू सबैको जिल्ला अस्पतालमा उपचार भइरहेको छ । देहिमाण्डौंबाट गिरेगडातर्फ गइरहेको बिएसी ५६५९ नम्बरको बोलेरो जीप शुक्रबार राति दशरथचन्द नगरपालिका–११ को नानीगाड भन्ने स्थानमा दुर्घटना भएको थियो । चालकसहित चारजना मात्रै सवार जीप अनियन्त्रित भएर दुर्घटना परेको बताइएको छ । जीप सडकबाट करिब ४० मिटर तल खसेको छ ।...

बैतडी- बैतडीमा जिप दुर्घटना हुँदा ४ जना घाइते भएका छन । जिल्लाको दशरथचन्द नगरपालिका– ११ नानिगाडमा जीप दुर्घटना हुँदा ४ जना घाइते भएका हुन। शुक्रबार राति देहीमाण्डौंबाट गिरेगडातर्फ गइरहेको बिएसी ५६५९ नम्बरको जीप दुर्घटनामा परेको प्रहरीले जनाएको छ । जिल्ला प्रहरी कार्यालय बैतडीका अनुसार जीप दुर्घटनामा परेर पञ्चेश्वर गाउँपालिका– ६ घर भएका जीप चालक ३५ वर्षीय राकेश कोली, सोही ठाउँका ५२ वर्षीय लालीराम कोली, पञ्चेश्वर–५ का ५४ वर्षीय चन्चले दयाल र दनपा १० की अन्दाजी ३० वर्षीया कविता परियार घाइते भएका छन् । घाइतेमध्ये चञ्चले दयालको अवस्था गम्भिर रहेको र अन्यको अवस्था सामान्य रहेको प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले बताए । घाइतेहरुको जिल्ला अस्पताल बैतडीमा उपचार भइरहेको छ । जीप सडकबाट करिब ४० मिटर तल खसेको छ ।...