सुदूरपश्चिम रोयलस ९० रनले विजयी, बिराटनगर किङ्सको लज्जास्पद हार
काठमाडौँ । नेपाल प्रिमियर लिग (एनपीएल)अन्तर्गत आजको पहिलो खेलमा सुदूरपश्चिम रोयल्स ९० रनले विजयी भएको छ । विराटनगर किङ्स ९२ रनमा अलआउट हुँदा सुदूरपश्चिम विशाल रनले विजयी भएको हो ।
दीपेन्द्रसिंह ऐरीको आक्रमक बलिङमा सुदूरपश्चिमले १८३ रनको लक्ष्य पेश गरेको थियो । उनले अन्तिम दुई बलमा लगातार छक्का प्रहार गर्दै सानदार फिनिसिङ गरेका थिए ।
अन्तिम बलमा पनि छक्का हानेपछि दीपेन्द्रले २४ बलमा अविजित ५७ रन बनाए । उनले ३ चौका र ५ छक्का प्रहार गरे ।
टस हारेर पहिले ब्याटिङको निम्तो पाएको सुदूरपश्चिमले ७ विकेटको क्षतिमा १८२ रन बनाएको हो । कप्तान दीपेन्द्रले ५७, ब्रान्डनले ३६, बिनोद भण्डारीले २३, इशान पाण्डेले २१, सैफ जैबले १४, स्कटले १० रन बनाए ।
विराटनगरका अनिल खरेलले तीन, क्रिस सोले, इस्मत अलाम र बसिर अहमेदले एकरएक विकेट लिए ।
विशाल लक्ष्य पछ्याएको विराटनगर किङ्सका लागि बसिर अहमदले २४...
