डडेल्धुरा —
डडेल्धुरा अस्पतालबाट हालै हटाइएको प्रभा सेवा बिन्दु पुनः सञ्चालन गर्नुपर्ने माग तीव्र रूपमा उठिरहेको छ। यो सेवा केन्द्र स्वास्थ्य बीमा कार्यक्रम अन्तर्गतका अत्यावश्यक सेवाहरू प्रदान गर्ने महत्त्वपूर्ण संरचना हो जसले डडेल्धुरासहित सुदूरपश्चिमका हजारौं सेवाग्राहीलाई राहत दिएको थियो।
सेवा बन्द भएपछि विशेषतः ग्रामीण क्षेत्र, विपन्न वर्ग तथा महिला, वृद्ध र दीर्घरोगीहरू प्रत्यक्ष मारमा परेका छन्।
“यस्ता सेवाहरू हटाइनुले नागरिकमाथि दोहोरो अन्याय हो,” नागरिकहरू भन्छन्।
अमरगढी नगरपालिका–१ निवासी युवा अभियानता सुरत तमोली भन्छन् —
“डडेल्धुराको जनतालाई सेवा चाहिएको हो, सास्ती होइन। प्रभा सेवा बिन्दु तुरुन्त सञ्चालन गर! नत्र आन्दोलन अवश्य हुन्छ।”
उहाँको भनाइमा यो समस्या कुनै कार्यालयको लापरवाही मात्र होइन, सरकारको बेवास्ताको परिणाम पनि हो।
सरकार स्वास्थ्य बीमा कार्यक्रमलाई ‘नागरिकमुखी’ भनेर प्रचार गर्छ, तर व्यवहारमा नागरिकलाई सेवा कटौती गरिँदैछ।
हामी नागरिकको स्पष्ट माग छ — प्रभा सेवा बिन्दु तुरुन्त पुनः सञ्चालन गरियोस्।
यदि सरकार मौन बसिरहन्छ भने, शान्तिपूर्ण तर निर्णायक जनआन्दोलनको विकल्प बाँकी रहने छैन, भन्ने चेतावनी पनि स्थानीय नागरिक र समाजसेवीहरूले दिएका छन्।
