धनगढी । अछामको साँफेबगरस्थित बयालपाटा अस्पतालको नीतिगत ब्यबस्था गरी समस्या समाधान गर्न सुदूरपश्चिम प्रदेशको सामाजिक विकास मन्त्रालय लागिपरेको जनाएको छ। मन्त्रालयले बुधबार प्रेस विज्ञप्ति सार्बजनिक गर्दै सो कुरा बताएको हो।
न्याय हेल्थ नेपाल र प्रदेश सरकारको साझेदारीमा संचालनमा रहेको बयालपाट अस्पतालमा पछिल्लो समय केहि समस्या देखिएकोले मन्त्रालयले सुदूरपश्चिम सरकारसँग सो बिषय राखीसकेको र सम्बद्ध सबै पक्षसँग छलफल गरि समनोन्मुख रहेको मन्त्रालयका प्रवक्ता हेमराज खड्काद्वारा प्रेषित विज्ञप्तिमा जनाएको छ।
बयालपाटा अस्पतालका समस्यलाई सधैकालागि समाधान गर्न प्रदेश सरकार मातहत ल्याएर थप स्तरोन्नती र व्यबस्थित गर्न प्रदेश सरकारको सामाजिक विकास मन्त्रालय लागिपरेको विज्ञप्तीमा जनाइएको छ । यसअघि मन्त्री झपटबहादुर साउदले पनि अछाममा रहेको बयालपाटा अस्पतालको समस्या सधैकालागि अन्त्य गर्ने पहल भइरहेको बताएका थिए।
प्रदेश भरिका सामुदायिक अस्पताल र बयालपाटा अस्पताललाई स्तोरन्नती सहित जनशक्ति व्यवस्थापनमा आवश्यक प्रक्रियाका साथ लागिपरेको भन्दै मन्त्री साउदले केहि दिनअघि मात्रै वयलपाटा अस्पतालमा शल्यक्रिया मार्फत प्रसूति गर्ने एमडीजीपी डाक्टर पठाएका थिए ।
गुणस्तरीय स्वास्थ्य सेवा प्राप्तिका लागि प्रत्येक नागरिकको समान पहुँच हुनुपर्दछ भन्ने मन्त्रालयको साझा धारणा रहेको समेत उनले स्पस्ट परेका छन्।
