बझाङ – बझाङको माथिल्लो बित्थडमा आयोजित प्रथम वडा अध्यक्ष कप यु १९ पुरुष क्रिकेट प्रतियोगिता सम्पन्न भएको छ ।
बित्थडचिर गाउँपालिका-१ ले आयोजना गरेको उक्त क्रिकेट प्रतियोगिता बुधबार सम्पन्न भएको हो ।
प्रतियोगिताको उपाधि बित्थडचिर गाउँपालिका-१ आयोजक टिमले हात पारेको छ । उपाधिका लागि भएको फाइनल खेलमा बुङ्गल नगरपालिका-४ लाई हराउँदै आयोजक (ए) बिजेता बनेको वडा सचिव कमल चन्दले कामना टुटेलाई जानकारी दिए ।
उपविजेता बुङ्गल नगरपालिका-४ भएको छ ।
उपाधि बिजेता आयोजकले नगद ५५ हजार ५ सय ५५ रुपैयाँ नगदसहित ट्रफी मेडल र प्रमाणपत्र प्राप्त गरेको छ,, भने उपविजेता बुङ्गल-४ ले २७ हजार ७ सय ७७ रुपैयाँ नगदसहित ट्रफी मेडल र प्रमाणपत्र प्रदान गरिएको छ ।
त्यस्तै बेस्ट ब्याटम्यान, बेस्ट बलर लाई पनि सम्मान गरिएको थियो ।
त्यस्तै बाद्यबादक फागसगुन गायक टिम, अम्पायर सञ्चारकर्मी , सुरक्षाकर्मी स्थानीय मान्यजनलाई पनि सम्मानपत्र सहित सम्मान गरिएको थियोे । वडाध्यक्ष मानबहादुर बोहराको सभापतित्वमा भएको समापन कार्यक्रममा प्रमुख अतिथि वडा नं-९ का वडाध्यक्ष तथा पालिका प्रवक्ता हरिश्चन्द्र जोशी रहनुभएको थियोे ।
प्रतियोगिता बैशाख १३ गतेदेखि माथिल्लो बित्थड खेल मैदानमा सुरुभएको थियोे । जसमा ११ वटा टिमको सहभागिता रहेको थियोे ।
