काठमाडौँ- आज संविधान दिवस तथा राष्ट्रिय दिवस देशभर विभिन्न कार्यक्रमका साथ मनाइँदैछ। २०७२ साल असोज ३ गते तत्कालीन राष्ट्रपति डा. रामवरण यादवले नेपालको संविधान जारी गर्नुभएको दिनको स्मरणमा हरेक वर्ष यो दिवस मनाइँदै आएको हो। यस वर्ष संविधान घोषणाको एक दशक पूरा भएको छ।
सरकारले देशको राजनीतिक परिवर्तनको आधार बनेको संविधानलाई उत्सवका रूपमा मनाउन आह्वान गरेको छ। गृहमन्त्रालयका सहसचिव ऋषिराम तिवारीका अनुसार आज बिहान राष्ट्रपति रामचन्द्र पौडेलको प्रमुख आतिथ्यमा सैनिक मञ्च, टुँडिखेलमा मूल समारोह आयोजना गरिएको छ। सो अवसरमा प्रधानमन्त्री सुशीला कार्कीले सम्बोधन गर्ने कार्यक्रम छ।
विशेष राजनीतिक परिस्थितिका कारण यस वर्ष झाँकीलगायत भव्य कार्यक्रम भने न्यून हुने भएका छन्। संविधान कार्यान्वयनपछिका उपलब्धि, कमीकमजोरी तथा चुनौतीबारे बहस, छलफल र अन्तरक्रिया हुने भनिए पनि पछिल्ला आन्दोलनका कारण त्यस्ता कार्यक्रम नहुने भएका छन्।
संविधान घोषणाको दशक उत्सव मनाउन अघिल्लो सरकारले भदौ ८ गते मूल समारोह समिति गठन गरेको थियो। तर, भदौ २३ र २४ गते भएको जेन–जी आन्दोलनपछि तत्कालीन प्रधानमन्त्री केपी शर्मा ओलीले पदबाट राजीनामा दिए
