बझाङको मष्टा गाउँपालिकामा रहेको कुल मष्टाजन मावीमा आज बिहीबार बालदिवस र शिक्षा दिवस कार्यक्रम सम्पन्न भएको छ । कार्यक्रम निड्स नेपाल र सुरक्षा नागरिक समाज सञ्जालको आयोजनामा, युरोपियन युनियन तथा संयुक्त राष्ट्रसंघको सहयोगमा, र मष्टा गाउँपालिकामा अवस्थित कुल मष्टाजन मावीको समन्वयमा सम्पन्न भएको हो । कार्यक्रमको सभाध्यक्ष बालक्लवका अध्यक्ष हिक्मत जेठारा रहनुभएको थियो । उहाँले बालदिवस तथा शिक्षा दिवस कार्यक्रममा सहभागीहरूलाई बालबालिकाका कार्यक्रमहरुलाई प्राथमिकता दिएको र आगामी दिनहरुमा पनि निश्पक्ष यो क्लबले निश्पक्ष कार्यक्रम गर्ने बताउनु भयो ।
यो कार्यक्रमले बालबालिकाहरुको क्षमता विकास , बालबालिकाका हक अधिकारहरुको बारेमा थप जानकार भएको बताएका छन् । कार्यक्रममा बिधालयका सम्पुर्ण कर्मचारी, विधार्थी, बालक्लवका विधार्थीहरु , समुदायका अभिभावक, जनप्रतिनिधिहरु र अन्य राजनीतिक दलका नेताहरुको पनि सहभागिता रहेको थियो ।
कार्यक्रममा मन्तव्य राख्दै निड्स नेपाल बाट लक्ष्मण चलाउनेले बालबालिकाका आवाजलाई सम्बोधन गरेर र उनीहरुलाई विशेष गरेर पुरस्कारको वितरण गरेर हौसला बढाउनु पर्ने बताए । ६१ औं बालदिवस तथा शिक्षा दिवसको अवसरमा निड्स नेपालले यस विधालयमा नृत्य प्रतियोगिता, गजल प्रतियोगीता ,हाजिर जवाफ , वक्तित्वकला र विविध सास्कृतिक कार्यक्रम गरि बालदिवस र शिक्षा दिवस कार्यक्रम मनाएको थियो । यहाँ भन्दा अगाडि पनि निड्स नेपालले बझाङका ३ वटा पालिकामा बालबालिका र महिलाको क्षेत्रमा निरन्तर काम गर्दै आइरहेको छ ।
