सपनासहित राजधानी गएका बझाङका सुवास आन्दोलनमै अस्ताए

धनगढी- बझाङको खप्तडछान्ना गाउँपालिका–७ गोर्खालीका २३ वर्षीय सुवास बोहराको सोमबार दिउँसो संसद भवन अगाडिको प्रदर्शनस्थल नजिकै गोली लागी मृत्यु भएको छ।
बिरामी आमाको उपचार, बेपत्ता बुबाको खोजी र भाइहरूको उज्ज्वल भविष्य सुनिश्चित गर्ने सपना बोकेर राजधानी आएका सुवास जापान जाने तयारीमा थिए। तर, जापान उड्ने मिति कुर्दाकुर्दै उनी आन्दोलनकै क्रममा सधैंका लागि विदा भए।
चार महिनादेखि बुबासँग सम्पर्क विच्छेद भएको थियो भने आमा भारतमा श्रम गर्दै उपचार गराइरहेकी थिइन्। सुवासले केही महिनाअघि प्लस–टु सकेर जापानी भाषा सिक्न काठमाडौं गएका थिए। आर्थिक अभावका कारण प्रस्थान मिति पर्खिरहेका उनी रकम जुटाउने संघर्षमै थिए।
उनका आफन्त प्रदीप खड्काका अनुसार आर्थिक समस्या समाधान नहुँदा सुवास निकै निराश थिए। जापान उड्नुअघि नै आन्दोलनमा परेको गोलीले उनको जीवन अन्त्य गरिदियो।
हाल सुवासको शव काठमाडौँ मेडिकल कलेज (केएमसी) सिनामंगलमा राखिएको छ। गाउँमा गुणस्तरीय शिक्षा अभाव र घरको कमजोर आर्थिक अवस्थाका कारण उनले भाइलाई पनि काठमाडौंमा साथमा राखेका थिए। जापान गएपछि भाइलाई राम्रो विद्यालयमा भर्ना गर्ने उनको सपना अधुरै बनेको छ।
छोराको निधनको खबरले आमा विक्षिप्त बनेकी छिन्। उनी अहिले भारतबाट काठमाडौं आउने तयारीमा छिन्,