धनगढी- जिल्ला ट्राफिक प्रहरी कार्यालय बझाङले रातो नम्बर प्लेटका गाडीमा यात्रु बोकेको भेटिएमा कडा कारबाही गर्ने जनाएको छ। बुधवार एक सूचना जारी गर्दै प्रहरीले भनेको छ कि, बारम्बार जरिवाना गर्दा पनि रातो नम्बर प्लेट भएका गाडीहरूले यात्रु बोकेर सार्वजनिक यातायातको रूपमा प्रयोग गर्दै आएको कार्य रोकिएको छैन। अबदेखि यस्तो गाडीलाई नियन्त्रणमा लिई थप कारबाहीको लागि यातायात व्यवस्था कार्यालयमा पठाइने जानकारी दिइएको छ।
सवारी तथा यातायात व्यवस्था ऐन २०४९ को दफा (८) को उपदफा (२) अनुसार, निजी प्रयोजनका लागि दर्ता भएका सवारी साधनलाई सार्वजनिक यातायात सेवाको लागि प्रयोग गर्न नपाइने प्रावधान रहेको छ। प्रहरी सहायक निरीक्षक विनोद कुमार बिष्टले यस विषयमा जिप व्यवसायी र चालकहरूलाई सचेत गराउँदै भनिन, “पटक-पटक कारबाही र जरिवाना गरेपछि पनि कतिपय जिपहरूले सार्वजनिक सवारी (कालो प्लेट) मा दर्ता गरी यात्रु बोकिरहेका छन्, जसको कारण अबदेखि नियम उल्लंघन गर्ने गाडीलाई नियन्त्रणमा लिइ कानूनी प्रक्रिया अघि बढाइनेछ।
ट्राफिक प्रहरीको सूचना
