बर्दियाको बारबर्दिया नगरपालिकाका प्रमुख प्रशासकीय अधिकृत दीपककुमार आचार्य पक्राउ परेका छन्। अत्यधिक मदिरा सेवन गरी नगरप्रमुख छविलाल थारु र उपप्रमुख रत्नकुमारी पाण्डेलाई अभद्र व्यवहार गरेको आरोपमा उनलाई पक्राउ गरिएको हो।
प्रहरीका अनुसार आचार्यले उपप्रमुख पाण्डेलाई कार्यकक्षमै गएर गालीगलौज गर्दै हातपातको प्रयास गरेका थिए। मंगलबार पक्राउ परे पनि साँझ जमानतमा रिहा भएका उनलाई पुनः मुद्दा चलाउन माग गर्दै प्रहरीमा उजुरी परेको छ। आचार्यले भने नगरप्रमुखले पाँच लाख कमिसन नपाएको झोकमा आफूलाई फसाएको आरोप लगाएका छन्।
