भारतमा जारी इन्डियन प्रिमियर लिग (आईपीएल) मा कोलकाता नाइट राइडर्सले राजस्थान रोयल्सलाई हराएको छ । गए राति भएको खेलमा कोलकाताले राजस्थानलाई ८ विकेटले हराएको हो ।
पहिले ब्याटिङ गरेको राजस्थानले निर्धारित २० ओभरमा ९ विकेट गुमाउँदै १ सय ५१ रन बनाएको थियो । जबाफी ब्याटिङमा उत्रिएको कोलकाताले १७ दशमलब ३ ओभरमा २ विकेटको क्षतिमा १ सय ५३ रन बनाउँदै लक्ष्य पूरा गरेको थियोे ।
राजस्थानका लागि यसश्वी जयसवालले २९, सन्जु सामसनले १३, रियान परागले २५, ध्रुव जुरेलले ३३ तथा जोफ्रा अर्चरले १६ रन बनाए । बलिङतर्फ पनि राजस्थानका वाइनिन्दु हसरंगाले १ विकेट लिए भने अन्य बलर विकेटविहीन रहे ।
कोलकाताका लागि क्विन्टन डिककले अविजित ९७ रनको पारी खेल्दा अजिङ्क्या राहाणेले १८ तथा अङ्गकृष रघुवंशीले २२ रन जोडेका थिए । बलिङतर्फ कोलकाताका लागि वैभव अरोरा, हर्षित राना, मोइन अली र वरुण चक्रवर्तीले २/२ विकेट लिँदा स्पेन्सर जोनसनले १ विकेट लिए ।
आईपीएलमा आज सनराईजर्स हैदरावादले लखनउ सुपरजायन्टस खेल्दै छन् ।
Advertisement
