धनगढी- बैतडीको पुर्चौडी बहुमुखी क्याम्पसमा स्वतन्त्र विद्यार्थी युनियन (स्ववियु) सभापतिमा उत्तरा महरा निर्वाचित भएकी छन ।
बुधबार भएको स्ववियु निर्वाचनमा नेपाल विद्यार्थी संघ (नेविसंघ) की महरा सभापति पदमा निर्वाचित भएकी हुन् ।
निर्वाचित महराले १ सय १९ प्राप्त गरिने भने उनका प्रतिद्वन्द्वी अनेरास्ववियुका विष्णु दत्त अवस्थीले १ सय ३ मत पाए । अखिल क्रान्तिकारीकी गीता भण्डारीले ९३ मत मात्रै प्राप्त गरिन् ।
सचिवमा पनि नेविसंघकै सन्दीप भण्डारी १ सय १७ मत सहित निर्वाचित भएका छन् , भने कोषाध्यक्षमा अनेरास्ववियुकी बबिता साउँदले १ सय २५ मत पाएर निर्वाचित भइन् ।
उक्त क्याम्पसमा ५ सय ५७ विद्यार्थी रहेकोमा ३ सय ३० मत मात्रै खसेकाे थियोे । जसमा १५ मत बदर भएका छन ।
बैतडीमा त्रिभुवन विश्वविद्यालयबाट सम्बन्धनप्राप्त पाँच वटा क्याम्पसमा चैत ५ गते निर्वाचन भएको थियोे ।
मंगलबार निर्वाचन भएका पाँच वटा क्याम्पसमध्ये तीनमा अनेरास्ववियु र दुईमा नेविसंघ विजयी भएको छ ।
जिल्लामा त्रिभुवन विश्वविद्यालय अन्तर्गतका ८ वटा क्याम्पस रहेका भएपनि रौलाकेदार बहुमुखी क्याम्पसमा स्ववियु निर्वाचन भएको छैन् । पुर्चौंडी बहुमुखी क्याम्पसमा आज निर्वाचन भएको थियोे । यस्तै सिगास शिक्षा क्याम्पसमा विवाद भएको छ ।
