धनगढी- कामना टेलिभिजनको प्रवन्ध निर्देशकमा हंसराज साउँद ( हिमाल) लाई नियुक्त गरिएको छ ।
सोमबार साझ कामना टेलिभिजन प्रालिका अध्यक्ष बचन राज जोशीले साउँदलाई उक्त पदमा नियुक्त गर्नु भएको हो।
रिक्त रहेको प्रवन्ध निर्देशक पदमा नियुक्त गर्दै अध्यक्ष जोशीले पत्रकार साउँदको अनुभव, दक्षता, र नेतृत्व क्षमताले टेलिभिजनलाई अझ उचाइमा पुर्याउने विश्वास व्यक्त गरे । त्यस्तै साउँदको कार्यकालमा सञ्चार क्षेत्रमा नवीनतम पहल र प्रभावकारी व्यवस्थापनको आश गरेको अध्यक्ष जोशीले बताए ।
नवनियुक्त निर्देशक साउँदले टेलिभिजनको टोलीले जुन विश्वासले मलाई थप जिम्मेवारि दिएको छ त्यसलाई आत्मसाथ गर्दै अघि बढ्ने बताए । उनलेे जनताको हकहित र आवाज सुन्ने तथा बोल्ने माध्यमका रुपमा टेलिभिजनलाई अघि बढाउने समेत बताए ।
साउँद यसअघि कामना टेलिभिजन बढैपुर शाखा प्रमुख थिए ।
कामना टेलिभिजनले परम्परागत टेलिभिजनको सीमालाई तोडेर दर्शकलाई अझ सुविधाजनक, सुलभ, र आकर्षक विकल्प प्रदान गरेको छ। भविष्यमा प्रविधिको थप विकाससँगै यसको लोकप्रियता अझ बढ्ने गएपछि अनलाइन टेलिभिजनको रुपमा कामना टेलिभिजन सञ्चालनमा ल्याएको हो ।
कामना टेलिभिजनको मुख्य कार्यालय सुदूरपश्चिम प्रदेशको राजधानी धनगढीमा रहेको छ,, भने यसका शाखा कार्यालयहरू सुदूरपश्चिमका सबै जिल्लामा रहेका छन् ।
कामना टेलिभिजनले समाचार, शैक्षिक सामग्री, सांस्कृतिक कार्यक्रम तथा विभिन्न जीवनोपयोगी जानकारीहरू अनलाइन टिभीमार्फत सजिलै उपलब्ध गराउँदै आएको छ ।
नियुक्ति पत्र
