बझाङ- बझाङको सदरमुकाम चैनपुरमा रहेको लक्ष्मी लघुवित्त वित्तीय संस्था लिमिटेडको शाखा कार्यालयले वित्तीय साक्षरता कार्यक्रम तथा विमा क्षतिपूर्ति बापतको रकम हस्तान्तरण गरेको छ ।
संस्थाले सोमबार एक कार्यक्रम बिच थलारा गाउँपालिका–९ की मृतक संथाकी सदस्य पञ्चमला देवी जोशीको छोरा भागिरथ जोशीलाई वित्तीय साक्षरता कार्यक्रम तथा विमा क्षतिपूर्ति बापतको ६ लाख २५ हजार रकम हस्तान्तरण गरेको हो ।
समाजमा लघुवित्त संस्थाका विषयमा गलत प्रचार भईरहेपनि वास्तवमा यस्ता संस्थाहरुले समुदाय स्तरमा धेरै सहुलियत पुर्याउँदै आएको संस्थाका शाखा प्रबन्धक सुमन रानाले बताए
उक्त रकम हस्तान्तरण कार्यक्रममा वित्तीय क्षेत्रको सुधार ,वित्तीय अनुशासन , कर्जा सदुपयोग ,बचत को महत्त्व तथा आवश्यकता, प्रबिधी मैत्री पारदर्शी कारोबार ,कर्जा बिमाको महत्त्व र बैंकिङ प्रणाली जस्ता विभिन्न वित्तीय ज्ञानहरुको बारेमा जानकारी गराईएको थियो।
संस्थाको कर्मचारीले मृतक परिवारको घरसम्म पुगेर सहयोग रकम हस्तान्तरण गरेकोमा संस्थाप्रति थलारा गाउँपालिका- ९ का वडा सचिब ज्ञान बहादुर बिष्टले धन्यवाद दिए । वडा सचिव बिष्टले भने पहिले वित्तीय संस्था नहुँदा यस ठाउँमा रहेका ब्यक्तिहरुको आर्थिक अवस्थाका नाजुक रहेको पाइन्थ्यो भने लघुबित्त संस्थाको लघुकर्जा पाई वित्तीय कारोबार गर्न सिकाई आत्मनिर्भर बनाउनुको साथै दैनिक जीवन स्तर उकासेको छ । आबद्ध सदस्यहरुलाई लिएको कर्जा रकमको सही सदुपयोग गर्न उत्प्रेरित गरे ।
सो संस्थाको चैनपुर शाखामा आवद्ध हालसम्म ९ जना ऋणी सदस्यको मृत्यु भएको र ५६ लाख ७५ हजार रकम भुक्तानी गरेको शाखा प्रबन्धक रानाले जानकारी दिए ।
