कञ्चनपुर, राष्ट्रिय स्वास्थ्यकर्मी महासंघ नेपाल जिल्ला कार्यसमिति कञ्चनपुरको पाँचौं जिल्ला अधिवेशन भव्य रूपमा सम्पन्न भएको छ। अधिवेशनमा प्रमुख अतिथि राष्ट्रिय स्वास्थ्यकर्मी महासंघ नेपाल केन्दकेन्दृय सचिब तथा सुदुरपश्चिम इन्चार्ज सिद्द प्रसाद ढुंगानाले स्वास्थ्यकर्मीहरूको हकहित संरक्षण तथा सेवा प्रवाहलाई प्रभावकारी बनाउन महासंघको भूमिका महत्वपूर्ण हुने बताउनुभयो। प्रमुख वक्ता नेकपा एमाले जिल्ला इन्चार्ज निरु पाल, विशिष्ट अतिथि नेकपा एमाले जिल्ला उपाध्यक्ष जनकराज अवस्थी, शुक्लाफाँटा नगरपालिकाका नगर प्रमुख रण बहादुर महरा लगायतका नेतागण, स्वास्थ्यकर्मी, पेसाकर्मी तथा निजामती कर्मचारीहरूको उल्लेखनीय उपस्थिति रहेको थियो। 
अधिवेशनले प्रिति धिर भण्डारीको अध्यक्षतामा ११ सदस्यीय नयाँ जिल्ला कार्यसमिति सर्वसम्मत रूपमा चयन गरेको छ। नवनिर्वाचित कार्यसमिति निम्नानुसार रहेका छन्:
अध्यक्ष: प्रिति धिर भण्डारी
उपाध्यक्ष: मदन साउँद
महिला उपाध्यक्ष: निलम चन्द
सचिव: सुरेश कुमार दयाल
उप-सचिव: बिष्णु बहादुर खत्री
कोषाध्यक्ष: पुष्कर सिंह कठायत
सदस्यहरू:
१) कृष्ण प्रसाद राना
2) हर्क बहादुर भण्डारी
3) रितु गैरे
4) तारा कठायत
5) चक्र बिष्ट
नवनिर्वाचित अध्यक्ष प्रिति धिर भण्डारीले स्वास्थ्यकर्मीहरूको हकअधिकार र पेशागत हित संरक्षण गर्दै महासंघलाई अझ बलियो बनाउने प्रतिबद्धता व्यक्त गर्नुभयो। उहाँले स्वास्थ्य क्षेत्रमा देखिएका समस्या समाधानका लागि महासंघले जिम्मेवार भूमिका खेल्ने बताउँदै, सबैको सहकार्य आवश्यक रहेको उल्लेख गर्नुभयो।
अधिवेशन सफल बनाउन सहयोग गर्ने सम्पूर्ण सहभागीहरूलाई धन्यवाद व्यक्त गर्दै नवनिर्वाचित कार्यसमितिलाई सफल कार्यकालको शुभकामना दिइएको छ।
