हाम्रो बारेमा

लोकतन्त्रको आत्मा स्वतन्त्र, निष्पक्ष र विश्वसनीय निर्वाचनमा निहित हुन्छ। निर्वाचनविना लोकतन्त्र केवल सैद्धान्तिक अवधारणामा सीमित रहन्छ। यही लोकतान्त्रिक अभ्यासलाई मर्यादित, संस्थागत र विश्वसनीय बनाउने जिम्मेवारी संविधानले निर्वाचन आयोगलाई दिएको छ। आयोग कुनै दल, समूह वा व्यक्तिको प्रभावमा नभई संविधान र कानुनको मर्मअनुसार सञ्चालन हुने संवैधानिक निकाय हो। त्यसैले निर्वाचन आयोगले गरेका निर्णयलाई सम्मान गर्नु केवल कानुनी बाध्यता मात्र नभई लोकतन्त्रप्रतिको राजनीतिक प्रतिबद्धताको स्पष्ट अभिव्यक्ति हो। यही सन्दर्भमा निर्वाचन आयोगको निर्णयलाई स्वीकार गर्दै नेपाली कांग्रेस एकढिक्का भएर चुनावमा जानु आजको अपरिहार्य आवश्यकता बनेको छ। नेपाली कांग्रेस नेपालको लोकतान्त्रिक आन्दोलनको मूलधार हो। राणा शासनविरुद्धको संघर्षदेखि २००७ सालको परिवर्तन, २०४६ सालको जनआन्दोलन, २०६२/६३ को ऐतिहासिक आन्दोलन हुँदै संघी...