Day: २०८३ कार्तिक १३, बिहीबार २१:१६

काठमाडौं- कप्तान सोमपाल कामीको उत्कृष्ट अलराउन्ड प्रदर्शनसँगै कर्णाली याक्सले नेपाल प्रिमियर लिग (एनपीएल) मा विराटनगर किंग्सलाई ४ विकेटले पराजित गरेको छ। ब्याटिङ र बलिङ दुवैमा चम्किएका सोमपालले कर्णालीलाई लगातार दोस्रो जित दिलाएका हुन्। त्रिवि क्रिकेट मैदानमा विराटनगरले दिएको १८७ रनको लक्ष्य कर्णालीले १९.५ ओभरमा ६ विकेट गुमाएर पूरा गर्‍यो। सुरुवाती ओभरमै दबाबमा परेको कर्णालीको इनिङ्स सम्हाल्दै सोमपालले ३२ बलमा अविजित ६२ रन बनाए। उनलाई गुल्सन झाले बलियो साथ दिए। गुल्सन २१ बलमा २८ रन बनाउँदै अविजित रहे भने पवन सर्राफले २८ बलमा ३६ रन जोडे। विराटनगरका एन्जेलो म्याथ्युजले तीन विकेट लिए। चरिथ असलंका, प्रतिश जिसी र सन्दीप लामिछानेले समान एक विकेट हात पारे। यसअघि टस हारेर पहिले ब्याटिङ गरेको विराटनगरले निर्धारित २० ओभरमा ७ विकेट गुमाउँदै १८६ रन बनाएको थियो। टोलीका लागि लोकेश बमले आक्रामक ...

काठमाण्डौ- नेपाल प्रिमियर लिग (एनपीएल) क्रिकेटमा आज दुई खेल हुँदैछन्। पहिलो खेलमा जनकपुर बोल्ट्स र काठमाण्डौ गोर्खाजबीच प्रतिस्पर्धा हुनेछ भने दोस्रो खेलमा कर्णाली याक्स र विराटनगर किङ्स भिड्नेछन्। त्रिवि क्रिकेट रंगशालामा हुने पहिलो खेल दिउँसो साढे १२ बजे सुरु हुनेछ। यसअघि जनकपुर कर्णाली याक्ससँग १९ रनले पराजित भएको थियो। काठमाण्डौ गोर्खाजले भने आजको खेलसँगै यस सिजनको यात्रा सुरु गर्दैछ। आजै बेलुकी ५ बजे हुने दोस्रो खेलमा कर्णाली याक्स र विराटनगर किङ्स आमनेसामने हुनेछन्। कर्णालीले प्रतियोगितामा विजयी सुरुवात गरिसकेको छ भने विराटनगर आफ्नो पहिलो खेलमा चितवन राइनोसँग ८ रनले पराजित भएको थियो। यसैबीच, एनपीएलमा हिजो सुदूरपश्चिम रोयल्सले पहिलो जित दर्ता गरेको थियो। त्रिवि क्रिकेट रंगशालामा भएको खेलमा सुदूरपश्चिमले पोखरा एभेन्जर्सलाई ६ विकेटले हराएको हो। पोखराले दिएको १४६ रनको लक्ष्य सुदूरपश्...