राष्ट्रिय स्वास्थ्यकर्मी महासंघ कैलालि को चौथो जिल्ला अधिवेशन कैलाली बौनियाँ मा सम्पन्न भएको छ। यस अधिवेशनबाट अध्यक्ष विक्रम बहादुर बोहराको नेतृत्वमा १९ सदस्यीय नयाँ कार्यसमिति सर्वसम्मत चयन भएको छ। कार्यक्रमको अध्यक्षता जयकला रावलले गरेकी थिइन् भने प्रमुख अतिथि महासंघका केन्द्रीय उपमहासचिब हिमालय तिवारी रहनुभएको थियो। विशिष्ट अतिथिका रूपमा बर्दगोरियाका मेयर कर्ण कुँवर , नेकपा एमाले कैलालि अधक्ष्य यज्ञ ढुंगाना तथा अन्य अतिथि केन्द्रीय सचिव तथा सुदूरपश्चिम इन्चार्ज सिद्ध ढुंगाना, केन्द्रीय सदस्यहरू भरत खाती र ईश्वरी भुसाल रहनुभएको थियो।
नवगठित कार्यसमितिमा अध्यक्ष विक्रम बहादुर बोहरा, उपाध्यक्ष बिज्ञान भट्ट, महिला उपाध्यक्ष सृजना चन्द, सचिव अनिल सिंह, उप-सचिव सागर बम र अन्य सदस्यहरू नृप बिक, अम्बिका कुमारी कार्की, सान्ती लामा, गोमा रोक्का, कर्ण बहादुर बिष्ट, भुवन शाह, बल बहादुर कठारिया, केशब मास्के, तर्कराज खतिवडा, इन्द्र चौधरी, लक्ष्मी पौडेल, पुस्प राज खतिवटा, खेम बिक र पुस्प राज खतिवटा रहनुभएको छ।
कार्यक्रममा विभिन्न स्वास्थ्यकर्मी, संघसंस्थाका प्रतिनिधि तथा स्थानीय नेताहरूको उल्लेखनीय उपस्थिति रहेको थियो। प्रमुख अतिथि हिमालय तिवारीले स्वास्थ्यकर्मीहरूको हकहित संरक्षण गर्दै सेवा प्रवाहको गुणस्तर अभिवृद्धि गर्न महासंघको भूमिका महत्वपूर्ण रहेको बताउनुभयो। उहाँले नवगठित कार्यसमितिले स्वास्थ्यकर्मीहरूको हकहितका लागि सक्रिय भई प्रभावकारी भूमिका निर्वाह गर्ने विश्वास व्यक्त गर्नुभयो।
अध्यक्ष विक्रम बहादुर बोहराले स्वास्थ्यकर्मीहरूको अधिकार रक्षा गर्दै स्वास्थ्य सेवामा सुधार ल्याउनु हाम्रो प्रमुख लक्ष्य रहेको बताउनुभयो। उहाँले महासंघलाई अझ सशक्त बनाउन सबैको सहयोग आवश्यक रहेको जनाउनुभयो।
