Day: २०८२ आश्विन ३०, बिहीबार ०७:००

आईसीसी टी–२० एशिया तथा इस्ट एशिया–प्यासिफिक छनोटमा नेपालले ओमानलाई ३८ रनले पराजित गरेको छ । यस जितसँगै नेपाल अंक तालिकाको शीर्षस्थानमा उक्लिँदै छनोट उपाधि जित्ने सम्भावना बलियो बनाएको छ । गएराति सम्पन्न खेलमा नेपालले दिएको १ सय ५२ रनको लक्ष्य पछ्याउँदै ओमान २० ओभरमा ९ विकेट गुमाएर १ सय १३ रनमै समेटियो । यसअघि टस जितेर ब्याटिङ रोजेको नेपालले २० ओभरमा ९ विकेट गुमाउँदै १ सय ५१ रन बनाएको थियो । यो खेलअघि नै नेपाल सन् २०२६ मा भारत र श्रीलंकामा आयोजना हुने पुरुष टी–२० विश्वकपका लागि छनोट भइसकेको छ । विश्वकपमा २० टोली सहभागी हुनेछन् । नेपालले यसअघि सन् २०१४ र २०२४ मा विश्वकप खेलेको थियो । नेपालको यो तेस्रो पटकको विश्वकप यात्रा हो । टी–२० विश्वकप छनोट अन्तर्गत नेपालले अब अन्तिम खेलमा भोलि सामोआसँग प्रतिस्पर्धा गर्नेछ ।...