नेपालमा मनसुन सक्रिय : देशभर बदली, विभिन्न स्थानमा वर्षा
काठमाडौं- हाल नेपालमा मनसुनको न्यूनचापीय रेखा सरदर स्थानभन्दा केही उत्तरतर्फ, विशेषगरी पश्चिम नेपालको नजिक सक्रिय रहेको मौसम पूर्वानुमान महाशाखाले जनाएको छ।
महाशाखाका अनुसार हाल देशभर सामान्यदेखि पूर्ण बदली भएको छ। कोशी, बागमती, गण्डकी र लुम्बिनी प्रदेशका धेरै स्थानमा तथा अन्य प्रदेशका केही भागमा मेघगर्जन, चट्याङसहित हल्कादेखि मध्यम वर्षा भइरहेको छ।
सोमबारको पूर्वानुमान अनुसार, देशभर सामान्य बदली रहनेछ। गण्डकी, लुम्बिनी, कर्णाली र सुदूरपश्चिम प्रदेशका साथै पहाडी भूभागका धेरै स्थानहरूमा मेघगर्जन र चट्याङसहित हल्कादेखि मध्यम वर्षा हुन सक्ने सम्भावना छ।
सुदूरपश्चिम प्रदेशका केही स्थानहरूमा र अन्य प्रदेशका पहाडी भूभागका एक-दुई ठाउँमा भारीदेखि धेरै भारी वर्षाको सम्भावना पनि रहेको छ। साथै, उच्च पहाडी तथा हिमाली भेगका केही स्थानहरूमा हल्कादेखि मध्यम वर्षा र हिमपात हुन सक्ने महाशाखाले जना...