अछाममा करेन्ट लाग्दा १ जनाको मृत्यु, ५ जना घाइते
अछाम- कृष्णजन्माष्टमीको अवसरमा अछाममा झण्डा गाड्ने क्रममा करेन्ट लाग्दा एक जनाको मृत्यु र पाँच जना घाइते भएका छन्।
जिल्लाको बान्निगढी जयगढ गाउँपालिका–१, जयगढ बजारस्थित बर्दादेवी मन्दिर नजिक सार्वजनिक स्थलमा नेपालकाे राष्ट्रिय झण्डा गाड्ने क्रममा प्रयोग गरिएको फलामे पाइप माथि रहेको तीन फेजको बिजुली तारमा छुँदा करेन्ट लागेको हो।
करेन्ट लागेर मेल्लेख गाउँपालिका–७, नन्देगडाका १६ वर्षीय रोहित साँउद गम्भीर घाइते भएका थिए। उपचारका क्रममा उनको बयालपाटा प्रादेशिक अस्पतालमा मृत्यु भएको जिल्ला प्रहरी कार्यालय अछामका प्रमुख प्रहरी नायब उपरीक्षक ओम प्रकाश खनालले जानकारी दिनुभयो।
घाइते हुनेमा बान्निगढी जयगढ–६ का १८ वर्षीय समिर शाह, १७ वर्षीय बिनोद रावत, २० वर्षीय बम शाह, साँफेबगर नगरपालिका–४ मुगसैनका १६ वर्षीय लवशन सुनार र रामारोशन गाउँपालिका–६, भाटाकाटियाका १६ वर्षीय शमशेर साँउद रहेका छन्। उनी...