देशभर आंशिकदेखि साधारण बदली, केही स्थानमा भारी वर्षाको सम्भावना
काठमाडौं- हाल देशभर आंशिकदेखि साधारणतया बदली भएको जल तथा मौसम पूर्वानुमान महाशाखाले जनाएको छ। पछिल्लो समय कोशी, बागमती, गण्डकी, कर्णाली र सुदूरपश्चिम प्रदेशका केही स्थानमा छिटपुटदेखि हल्का वर्षा भएको छ।
आज दिउँसो देशका पहाडी भू-भागमा साधारण बदली रहनुका साथै बाँकी क्षेत्रहरूमा आंशिकदेखि साधारण बदली रहने महाशाखाले जनाएको छ।
गण्डकी, लुम्बिनी, कर्णाली, सुदूरपश्चिमलगायत बाँकी प्रदेशका पहाडी भागका केही स्थानमा तथा अन्य थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ।
साथै गण्डकी, लुम्बिनी, कर्णाली, सुदूरपश्चिम, कोशी र बागमती प्रदेशका पहाडी भू-भागका एक–दुई स्थानमा भारी वर्षाको सम्भावना पनि रहेको महाशाखाले जनाएको छ।
आज राति पनि देशभर आंशिकदेखि साधारणतया बदली रहनेछ।
राति कोशी, बागमती, गण्डकी, लुम्बिनी र सुदूरपश्चिम प्रदेशका केही स्थानमा तथा अन्य थोरै स्थानमा म...
