Advertisement
धनगढी – कञ्चनपुरको पुनर्वास सिमा विवादमा परी वीरगति प्राप्त गरेका शहिद गोबिन्द गौतमका बुवालाई आर्थिक सहयोग गरिएको छ ।
राष्ट्रियतावादी काँडेतार चलचित्रको धनगढीमा गरिएको च्यारेटि सो बाट उठेको रकम हस्तानतरण गरिएको हो ।
भारतसँग सिमा जोडिएको पुनर्वास क्षेत्रमा झडप हुँदा भारतीय पक्षको गोली लागेर गोबिन्द गौतम शहिद भएका थिए । परिवारको आर्थिक अवस्था नाजुक भएको र गोबिन्दको सम्मान स्वरुप रु ५० हजार रकम घरमै गएर हस्तानतरण गरिएको राष्ट्रवादी चलचित्र काँडेतारका निर्माता निर्देशक तथा कलाकार नवल खड्काले बताए ।
चलचित्र काँडेतारको कथावस्तुले पनि आफ्नो भूमिको रक्षा गर्नुपर्ने र हामीले सिमा क्षेत्रमा काँडेतार बनेर उभिनु पर्ने हुन्छ भन्ने आशय दिएको छ ।
कञ्चनपुरको पुनर्वासका शहिद गोबिन्द गौतमले पनि आफ्नो सिमा सुरक्षा गर्ने क्रममा नै वीरगति प्राप्त गरेकाले देशका लागि ज्यूज्यान दिनेहरुको सम्मान र सम्झना स्वरुप सहयोग रकम हस्तारतण गरेको चलचित्र काँडेतारका निर्माता निर्देशक तथा कलाकार खड्काले बताए ।
शहिद गोबिन्द गौतमले विसं २०७३ साल फाल्गुन २६ गते सिमा विवादको झडपका क्रममा वीरगति प्राप्त गरेका थिए ।
कामनाटुडे निष्पक्ष पत्रकारिताको दृढ पहरेदार हो, जसले समाचार, विचार, मनोरञ्जन, खेलकुद, विश्व, प्रविधि र जीवनका विविध आयाम उजागर गर्छ। मर्यादित समाज र समृद्धिको यात्रामा अघि बढ्दै हामि आवाजविहीनहरूको बुलन्द स्वर बनिरहेका छौँ । यदि तपाईंसँग भ्रष्टाचार वा अनियमितताको कुनै प्रमाण छ भने, हामीलाई पठाउनुहोस्। सत्य उजागर गर्न कटिबद्ध कामनाटुडे तपाईंको गोपनीयता सुरक्षित राख्नेछ। सचेत नागरिक बनौं, अन्यायविरुद्ध उभिऔं!
केन्द्रिय कार्यालयः सुदूरपश्चिम प्रदेश धनगढी कैलाली
फोन नम्बर – ०९१-५९०९३३
