Advertisement
धनगढी – कैलाली बहुमुखी क्याम्पसले शुक्रबार ४४औँ स्थापना दिवस मनाएको छ ।
क्याम्पसमा रहेको रिसर्च म्यानेजमेन्ट सेलको आयोजनामा एक औपचारिक कार्यक्रमकाबीच क्याम्पसको स्थापना दिवस मनाईएको हो ।
२०३७ सालमा तत्कालिन अञ्चलाधीशले क्याम्पस सञ्चालन गर्ने जिम्मेवारी आफुले लिई तत्कालीन राजा वीरेन्द्र शाहले धनगढी नगर पञ्चायत वडा नं ८ मा पर्ने २७ बिघा जमीन क्याम्पसको नाममा दर्ता गरी विसं २०३७ माघ १९ मा क्याम्पसको स्थापना गरिएको थियो ।
विश्वविद्यालय अनुदान आयोगबाट गुणस्तर सुनिश्चितता मान्यता प्राप्त केएमसी हाल सुदूरपश्चिम विश्वविद्यालयको आंगिक क्याम्पस हो ।
क्याम्पसको ४४औँ स्थापना दिवस कैलाली बहुमुखी क्याम्पसको अनुसन्धान व्यवस्थापन केन्द्र (रिसर्च म्यानेजमेन्ट सेल)को आयोजनामा एक औपचारिक कार्यक्रम आयोजना गरि मनाईएको छ ।
क्याम्पस प्रमुख प्राध्यापक तोयराज भट्टको अध्यक्षतामा अयोजना भएको उक्त कार्यक्रममा क्याम्पस प्राध्यापक संघ सुदूरपश्चिम विश्वविद्यालयका केन्द्रिय अध्यक्ष डा.राजेन्द्र विर चन्द प्रमुख अतिथि रहेका थिए । कार्यक्रममा प्राज्ञिक व्यक्तित्वहरुलाई सम्मान, केएमसी जर्नल विमोचन तथा शुभकामना आदान–प्रदान समेत गरिएको थियो ।
कामनाटुडे निष्पक्ष पत्रकारिताको दृढ पहरेदार हो, जसले समाचार, विचार, मनोरञ्जन, खेलकुद, विश्व, प्रविधि र जीवनका विविध आयाम उजागर गर्छ। मर्यादित समाज र समृद्धिको यात्रामा अघि बढ्दै हामि आवाजविहीनहरूको बुलन्द स्वर बनिरहेका छौँ । यदि तपाईंसँग भ्रष्टाचार वा अनियमितताको कुनै प्रमाण छ भने, हामीलाई पठाउनुहोस्। सत्य उजागर गर्न कटिबद्ध कामनाटुडे तपाईंको गोपनीयता सुरक्षित राख्नेछ। सचेत नागरिक बनौं, अन्यायविरुद्ध उभिऔं!
केन्द्रिय कार्यालयः सुदूरपश्चिम प्रदेश धनगढी कैलाली
फोन नम्बर – ०९१-५९०९३३
