धनगढी – कैलालीमा दुई वटा मोटरसाइकल एक आपसमा ठोक्किँदा एक जनाको मृत्यु भएको छ ।
गएराति कैलारी गाउँपालिका–७ बड्का वसन्तास्थित हुलाकी राजमार्गमा मोटरसाइकल एक आपसमा ठोक्किँदा सोही गाउँपालिका ५ का २८ वर्षीय शिशिर चौधरीको मृत्यु भएको हो ।
जिल्ला प्रहरी कार्यालय कैलालीका अनुसार से ५ प ४७७४ र बा ८१ प ४२९८ नम्बरको मोटरसाइकल एक आपसमा ठोक्किएको थियो ।
मोटरसाइकल दुर्घटनामा गम्भीर चौधरीको सेती प्रादेशिक अस्पतालमा उपचारको क्रममा ज्यान गएको प्रहरीले जानकारी दिएको छ ।
यसैगरी, से ५ प ४७७४ नम्बरको मोटरसाइकल चालक भजनी नगरपालिका–६ का वीरबहादुर चौधरी र सोही मोटरसाइकलमा पछाडि सवार २८ वर्षीय राजेश डङ्गौरा घाइते भएका छन् ।
दुवै जनाको धनगढीस्थित निसर्ग अस्पतालमा उपचार भइरहेको जिल्ला प्रहरी कार्यालयले जानकारी दिएको छ ।
