धनगढी – सुदूरपश्चिम प्रदेश बाहेकका ठाउँको मौसम धुम्म भएको छ ।
बिहानैदेखि बादल र हुस्सु लागेको छ । यसले गर्दा चिसो बढेको छ । बादल र हुस्सु लागेको ठाउँमा पश्चिमी वायुको प्रभाव रहेको मौमसविद् गंगा नगरकोटीले बताइन् ।
काठमाण्डौ उपत्यकासहित पहाडी क्षेत्रमा आज हिजोको जस्तो मौसम खुल्ने सम्भावना नरहेको उनले बताइन् । हुस्सु हटेर केहीबेर घाम लागे पनि फेरि बादल लाग्ने उनले बताइन् ।
यस्तै, तराईका जिल्लामा दिउँसोसम्म नै हुस्सु लाग्ने अनुमान छ । सुदूरपश्चिम प्रदेशको मौसम भने सामान्यतया सफा रहेको मौसमविद्ले बताएका छन् ।
