बझाङ : मष्टा गाउँपालिका वडा नम्बर ७ लटौनस्थित कैलाश आधारभुत विद्यालयको स्तरोन्नतीको लागि आर्थिक संकलन अभियान जारी रहेको छ । अभियान अन्तर्गत आज सुर्मा गाउँपालिका अध्यक्ष खडक बोहोराले आर्थिक सहयोग गर्नुभएको छ ।
भौगोलिक विकटता तथा आर्थिक अभावका कारण ओझेलमा परेको कैलाश आधारभुत बिद्यालयको स्तरोन्नतीको लागि अध्यक्ष बोहोराले चालिस हजार पाँच सय रुपैयाँ आर्थिक सहयोग गर्नुभएको विद्यालय व्यवस्थापन समिति अध्यक्ष बिर्ख बोहोराले जानकारी दिनुभयो ।
विद्यालयको शैक्षिक, भौतीक एव आर्थिक उन्नती गरेर मष्टा गाउँपालिकाकै नमुना विद्यालय बनाउने उद्येश्य रहेको बताउदै विद्यालय व्यवस्थापन समिति अध्यक्ष बोहोराले अहिलेसम्म विभिन्न निकाय तथा व्यक्तिहरुबाट १४ लाख रकम संकलन गरिएको बताउनुभएको छ । उहाँले आफ्नो कार्यकालमा कैलाश आधारभुत बिद्यालयलाई पालिकाकै नमूना विद्यालय बनाउने संकल्प सहित लागिरहेको समेत बताउनुभएको छ ।
