बझाङको साइपाल गाउँपालिकाकि उपाध्यक्ष डोल्मा तामाङले खुट्टाको क्यान्सरबाट पिडित गोरख बोहोराको उपचारका लागि आर्थिक सहयोग गर्नुभएको छ । जिल्लाको सुर्मा गाउँपालिका ४ थकुन्नाडा घर भएर सेती प्रादेशिक अस्पताल धनगढीमा करीब ५ महिनादेखि उपचार गराइरहनु भएका बोहोराको आर्थिक अभावले उपचारमा समस्या भएपछि उपाध्यक्ष तामाङले नगद रु पाँच हजार पाँच सय सहयोग गर्नुभएको हो ।
उपाध्यक्ष तामाङले अरुलाई पनि सहयोग गर्न अपिल गर्नुभएको छ ।
उपचार गराईरहेका बोहरा अहिले सेती प्रादेशिक अस्पतालमा जीवन र मृत्युको दोसाँधमा हुनुहुन्छ । उहाँको अहिलेभन्दा आठ वर्ष पहिले ढुंगा खसेर चोट लागेपछि बायाँ खुट्टाको दुई औँला र दायाँ खुट्टाको घुँडाभन्दा तलको आधा भाग नै काटेर फालिएको थियो । सुरुमा काठमाडौं, चितवन लगाएत देशका ठल्ठुुला अस्पतालहरुमा उपचार गराउदा गराउदै करिब १५ / २० लाख खर्च भइसकेको हुनाले अहिले उपचारमा समस्या भएको हो ।
उपचारको लागि भएभरको सम्पती बेचिसकेका बोहोराको हेरचाहका लागि १० वर्षिय छोरा साथमा हुनुहुन्छ । बुवालाई सञ्चो भएपछि पढाइ सुरु गर्ने सोचमा रहेका बालक अहिले बुवाको अवस्था नाजुक बन्दै गएपछि निकै समस्यामा परेका छन् ।
उनले बुवाको उपचारका लागि धेरै पैसा लाग्ने तर आफुहरुलाई खानबस्न समेत समस्या भैरहेकाले सहयोगको लागि अपिल गरेका हुन् । अहिले देश विदेशबाट आर्थिक संकलन कार्य भैरहेको छ ।
पिडितलाई आर्थिक सहयोगको गर्नका लागि
Ac name- Kamana television pvt ltd
ac no. – 18801010010849
Bank name- global ime bank pvt ltd
Esewa ID – 9865747237
