बझाङ : बझाङमा खेलकुद महासंघ जिल्ला कार्यसमिति पुनर्गठन भएको छ । विहिबार नेपाल खेलकुद महासंघका निबर्तमान केन्द्रिय सदस्य दिनेश रोकायाको अध्यक्षतामा नेपाल खेलकुद महासंघका केन्द्रीय सचिव विष्णु चन्दको प्रमुख आथित्यमा खेलकुद महासंघ जिल्ला कार्य समिति पुर्नगठन भएको हो ।
महासंघको भेलाबाट नरेन्द्र बहादुर दौल्यालको अध्यक्षतामा २१ सदस्यीय नयाँ कार्य समिति चयन गरिएको छ । कार्यसमिति उपाध्यक्षमा सुरेश बहादुर सिहं, महिला उपाध्यक्षमा आरती भण्डारी चयन हुनुभएको छ । यस्तै सचीवमा प्रदिप कुमार खड्का, सह–सचीवमा पदम बहादुर खड्का र कोषाध्यक्षको जिम्मेबारी लक्ष्मी साउदले पाउनु भएको छ ।
खेलकुद महासंघ जिल्ला कार्यसमिति बझाङका निवर्तमान अध्यक्ष श्याम जोशीको कार्यकाल सकिएपछि नयाँ कमिटी बनाइएको खेलकुद महासंघ जिल्ला कार्यसमिति बझाङका सचीवमा प्रदिप कुमार खड्काले जानकारी दिनुभयो । अहिले शुदुरपश्चिमका पहाडी जिल्ला दार्चुला र बाजुरा बाहेक सबै जिल्लामा खेलकुद महासंघको नयाँ जिल्ला कार्यसमिति गठन प्रकिया भैरहेको नेपाल खेलकुद महासंघका केन्द्रीय सचिव विष्णु चन्दले बताउनुभयो ।
